‘नेवाः लगानीं नेवाः बजाः विस्तार नेवाः समाजया विकासया लागिं’ नारा क्वबुयाः नेसं ११०८ निसें सक्रिय ह्याउँनिभाः संस्था प्राज्ञिक ख्यलय् नं योगदान यायेत न्ह्यचिलाच्वंगु दु । थ्व हे झ्वलय् नेवाः अध्येतापिन्त अःपुक दंगु भावं ग्यसुग्यंगु सफू चूलाकेत थ्व ह्याउँनिभाः इसफू पसः न्ह्याकागु दु । शोध, प्राज्ञिक, साहित्य, जर्नल, ज्ञान व थीथी विधाया सफूया लागिं छिगु डिजिटल गन्तव्य ह्याउँनिभाः इसफू पसलय् लसकुस दु ।

थ्व इसफू पसः सुविधा, विकल्प, व तत्काल पहुँचयात महत्व बिइपिं आधुनिक ब्वँमिपिनिगु निंतिं खः । जिमिगु लक्ष्य ब्वनेज्या अःपुकेगु, ज्ञान प्राप्ति अप्वः सुलभ यायेगु, सकसितं ज्ञान इनेगु इंकेगु खः ।

जिमिसं छु बिया ?

• थीथी विधाया सफू । विशेष यानाः ह्याउँनिभाः अनुसन्धान केन्द्रं पिथनीगु शोध, जर्नल व प्राज्ञिक सफू । मेमेगु प्रकाशकपिनि लागिं नं डिजिटल प्लेटफर्म ।
• उघ्रिमय् डाउनलोड जुइगुलिं छुं सेकेण्डया दुने हे ब्वनेगु सुरु यायेफइ ।
• फोन, ट्याब्लेट, इ-रिडर, व कम्प्यूटरया निंतिं ज्वःलाःगु फर्म्याट ।
• सुरक्षित भुक्तानी ।

जिमिगु दृष्टिकोण

सफूया लागा चीमज्यू । डिजिटल ब्वनेज्यां दूरी व उपलब्धताया पंगःयात त्वाःथली । ब्वँमिं गुगुं नं इलय्, गनं नं न्हूगु बिचाःया अन्वेषण यायेफइ । जिमिगु आज्जु छगू निर्बाध डिजिटल प्लेटफर्मया माध्यमं च्वमि व ब्वँमिपिन्त स्वायेगु खः ।

जिमित छाय् ल्ययेगु ?

• किफायती मू
• गुणस्तरीय शीर्षकया तब्यागु सफूधुकू
• साधारण ब्राउजिङ्ग व याकनं चेकआउट
• प्रत्येक क्लिकं न्हूगु अध्याय
• छिगु ब्वनेगु यात्रा जिपिंलिसें थौं हे न्ह्याकादीत ।